Insaıderlerdiń habarlaýynsha, iPhone 7 smartfony 16 qyrkúıekten bastap satylymǵa túspek. Apple kompanııasy smartfonnyń qarapaıym nusqasymen qatar, iPhone 7 Plus jáne iPhone 7 Pro dep atalatyn sándi hám tehnıkalyq turǵyda kúrdelirek nusqalaryn da sol kúni sórege shyǵarýdy josparlap otyrǵan kórinedi.
Buǵan deıin áleýmettik jelilerde jańa ónimniń fotosýretteri jarııalanǵan bolatyn. Fotosýretke qaraǵanda, onyń syrtqy pishini osynyń aldyndaǵy nusqadan onshalyqty erekshelenbeıdi. Kózge túsetin basty ereksheligi – qulaqqap tyǵatyn uıashyqtyń orny aýysqany ǵana.
Jýrnalısterdiń paıymdaýynsha, Apple eki jyl saıyn iPhone-nyń dızaınyn ózgertip turatyn prınsıpinen bul joly bas tartqan bolýy múmkin. Iаǵnı, jańa dızaındy iPhone kútip júrgenderge 2017 jyldyń jazyna deıin tóze turýǵa týra keledi degen sóz.
Arnur ASQAROV,
«Egemen Qazaqstan»